कर्जत तालुक्यातील दुधोडी कट्टर कार्यकर्ते बाळासाहेब कोऱ्हाळे यांनी यंदाच्या दिवाळीचा पहिला लाडू २३ नोव्हेंबरला आ. रोहितदादा पवार यांच्या हस्तेच खाण्याचा संकल्प केला आहे. त्यांचा हा निर्णय त्यांच्या कुटुंबासाठी खूप महत्त्वाचा आहे. त्यांनी ठरवले आहे की, जोपर्यंत रोहित पवार मोठ्या मताधिक्याने विधानसभेत निवडून येत नाहीत, तोपर्यंत त्यांच्या कुटुंबात दिवाळी साजरी केली जाणार नाही.
बाळासाहेब कोऱ्हाळे यांचा हा निर्णय त्यांची प्रेमभावना आणि आदराचे प्रतीक मानले जात आहे. रोहित पवार हे त्यांचे लाडके नेते आहेत आणि त्यांना विधानसभेत पोहोचवणे हे त्यांचे मुख्य लक्ष्य आहे. कोऱ्हाळे कुटुंबाला विश्वास आहे की, रोहितदादा विधानसभेत निवडून आल्यानंतर मतदारसंघात पुन्हा एकदा विकासाच्या मोठ्या संधी उपलब्ध होतील.
आमदार रोहित पवार यांचे नेतृत्व जनतेच्या भल्यासाठी आहे. त्यांचा विजय म्हणजे मतदारसंघासाठी आणि येथील जनतेसाठी एक नवीन आशा आहे. बाळासाहेब कोऱ्हाळे यांच्या मते, रोहितदादांच्या विजयाने त्यांच्या कुटुंबाची आणि समस्त मतदारसंघाची खऱ्या अर्थाने दिवाळी होईल. कोऱ्हाळे यांचा हा निर्णय केवळ एक साधा संकल्प नाही, तर तो संपूर्ण मतदारसंघात एक उत्साह आणि प्रेरणा निर्माण करणारा ठरत आहे. कर्जत- जामखेड मतदारसंघातील जनतेला कोऱ्हाळे यांनी आवाहन केले आहे की जनतेने रोहितदादा मोठ्या मताधिक्याने पुन्हा एकदा आमदार झाल्यानंतरच खरी दिवाळी साजरी करावी.
