सध्या काही भागांमध्ये पावसाचे प्रमाण कमी असून काही ठिकाणी पाऊसच न झाल्यामुळे शेतकरी आणि सर्वसामान्य नागरिकांना दुष्काळसदृश परिस्थितीचा सामना करावा लागत आहे. अशा परिस्थितीत आपल्या कुटुंबाच्या आर्थिक नियोजनासोबतच आरोग्याची काळजी घेणेही तितकेच महत्त्वाचे आहे. त्यामुळे प्रत्येक कुटुंबाने आपल्या आर्थिक क्षमतेनुसार आजच हेल्थ इन्शुरन्स अर्थात आरोग्य विमा घ्यावा असे आवाहन बागल सर्व्हिसेसचे महेंद्र बागल (सीनियर सेल्स ऑफिसर, केअर हेल्थ इन्शुरन्स) यांनी केले आहे.
दुष्काळामुळे आधीच आर्थिक अडचणींचा सामना करणाऱ्या कुटुंबावर अचानक गंभीर आजार किंवा अपघाताचे संकट आले तर हॉस्पिटलच्या उपचारांचा खर्च भागवणे मोठे आव्हान ठरू शकते. अशा वेळी अनेक कुटुंबांना व्याजाने पैसे घेणे, नातेवाईकांकडून उसने पैसे मागणे किंवा प्रसंगी जमीन विकण्यासारखे कठीण निर्णय घ्यावे लागतात. मात्र आपल्या कुटुंबासाठी आधीच योग्य आरोग्य विमा घेतला असेल तर पॉलिसीच्या अटी व शर्ती आणि विमा संरक्षणाच्या मर्यादेनुसार हॉस्पिटलच्या खर्चाचा आर्थिक भार कमी करण्यास मदत होऊ शकते.
दुष्काळ पडला म्हणून मोठे आजार येणे थांबत नाही. संकट कधी येईल हे सांगता येत नाही. त्यामुळे मोठ्या आर्थिक संकटाची वाट पाहण्यापेक्षा आजच आपल्या बजेटमधून परवडणारी रक्कम बाजूला ठेवून संपूर्ण कुटुंबासाठी योग्य हेल्थ इन्शुरन्स घेणे गरजेचे आहे. आज केलेली छोटी आर्थिक तरतूद भविष्यातील मोठ्या वैद्यकीय खर्चापासून कुटुंबाला आर्थिक संरक्षण देण्यास मदत करू शकते असे महेंद्र बागल यांनी सांगितले.
ग्रामीण भागातील नागरिक, शेतकरी, व्यावसायिक आणि नोकरदार वर्गाने आरोग्य विम्याबाबत जागरूक होऊन आपल्या कुटुंबाच्या आरोग्य व आर्थिक सुरक्षिततेला प्राधान्य द्यावे असेही त्यांनी आवाहन केले.