कर्जत नगरपंचायतीमधील आ. रोहित पवार गटाने नगरपंचायतमधील गटनेता बदलण्याची मागणी जिल्हाधिकारी यांच्याकडे केलेली होती. त्यामध्ये अमृत काळदाते यांना गटनेता म्हणून नोंदविण्याबाबत विनंती करण्यात आली होती. जिल्हाधिकारी यांच्यासमोर झालेल्या सुनावणीअंती गटनेता बदलाबाबत आ. रोहित पवार गटाची मागणी जिल्हाधिकाऱ्यांनी फेटाळून लावली आहे.
कर्जत नगरपंचायतमध्ये गटनेते म्हणून संतोष म्हेत्रे व उपनेते म्हणून सतिश पाटील यांची नेमणूक कायम ठेवली आहे.
जिल्हाधिकारी यांच्या आदेशामुळे रोहित पवार गटाची कर्जत नगरपंचायतीमधून सत्ता जाणार असल्याची बाब निश्चित झाली आहे. आ. रोहित पवार यांना हा मोठा धक्का मानला जात आहे.
संतोष म्हेत्रे यांनाच कर्जत नगरपंचायतीतील राष्ट्रवादी- काँग्रेस गटाच्या सर्व सदस्यांना व्हिप बजावता येणार आहे. जे नगरसेवक कर्जत नगरपंचायतीच्या अध्यक्षपदाच्या होणाऱ्या निवडणुकीमध्ये व्हिप विरोधात मतदान करतील त्यांच्यावर आपात्रतेची टांगती तलवार राहणार आहे.