महाराष्ट्राचे आराध्य दैवत छत्रपती शिवाजी महाराजांच्या जयंती निमित्त कर्जतमध्ये विविध कार्यक्रमाचे आयोजन केले आहे, अशी माहिती सकल मराठा समाजाचे प्रमुख समन्वयक रावसाहेब धांडे यांनी दिली.
कर्जत शहरातील छत्रपती शिवाजी महाराज चौक येथे उभारण्यात येणारे भव्य डेकोरेशन हे लक्षवेधी ठरणार आहे. या ठिकाणी लाईट शो आणि आकर्षक विद्युत रोषणाईचे देखील उभारण्यात येत आहे. दि. १९ फेब्रुवारी २०२५ रोजी सकाळी ९ वाजता छत्रपती शिवाजी महाराजांना अभिवादन कार्यक्रमाचे आयोजन करण्यात आले आहे. हे अभिवादन संध्याकाळी ४ वाजेपर्यंत चालू राहील.
तसेच संध्याकाळी ४ वाजेनंतर मिरवणूक सुरू होणार आहे. या मिरवणुकीत मर्दानी खेळ, ढोल पथक, विंचूर बँड, नटरंग बँड, लेझीम व हलगी पथक, भजनी मंडळ, मिरवणूक रथ, बगी, घोडा व रथ आदी कार्यक्रमांचे आयोजन करण्यात आले आहे. छत्रपती शिवाजी महाराजांच्या प्रतिमेची मिरवणूक संध्याकाळी ४ वाजता सुरू होणार असून शहरातील प्रमुख मार्गावरून ही मिरवणूक काढली जाणार आहे, असल्याचे धांडे म्हणाले.
राहुल अडसूळ, कर्जत तालुका प्रतिनिधी